जय जय सुरनायक जन सुखदायक प्रनतपाल भगवंता ।
गो द्विज हितकारी जय असुरारी सिधुंसुता प्रिय कंता ॥
पालन सुर धरनी अद्भुत करनी मरम न जानइ कोई ।
जो सहज कृपाला दीनदयाला करउ अनुग्रह सोई ॥
जय जय अबिनासी सब घट बासी ब्यापक परमानंदा ।
अबिगत गोतीतं चरित पुनीतं मायारहित मुकुंदा ॥
जेहि लागि बिरागी अति अनुरागी बिगतमोह मुनिबृंदा ।
निसि बासर ध्यावहिं गुन गन गावहिं जयति सच्चिदानंदा ॥
जेहिं सृष्टि उपाई त्रिबिध बनाई संग सहाय न दूजा ।
सो करउ अघारी चिंत हमारी जानिअ भगति न पूजा ॥
जो भव भय भंजन मुनि मन रंजन गंजन बिपति बरूथा ।
मन बच क्रम बानी छाड़ि सयानी सरन सकल सुर जूथा ॥
सारद श्रुति सेषा रिषय असेषा जा कहुँ कोउ नहि जाना ।
जेहि दीन पिआरे बेद पुकारे द्रवउ सो श्रीभगवाना ॥
भव बारिधि मंदर सब बिधि सुंदर गुनमंदिर सुखपुंजा ।
मुनि सिद्ध सकल सुर परम भयातुर नमत नाथ पद कंजा ॥
श्रीमन नारायण नारायण नारायण|
भजमन नारायण नारायण नारायण ||
श्रीमन नारायण नारायण नारायण,
श्रीमन नारायण नारायण नारायण|
भजमन नारायण नारायण नारायण ||
Shreeman Narayan, Bhajaman Narayan- Jai Jai Surnayak Jan Sukhdayak
Jay Jay Sura nayak Jan Sukh dayak Pranatapal Bhagavanta .
Go Dvij Hitakari Jay Asurari Sidhu suta Priy Kanta ॥
Palan Sur Dharani Adbhut Karani Maram N Janai Koii .
Jo Sahaj Kripala Deen dayala Karau Anugrah Soi ॥
Jay Jay Abinasi Sab Ghatt Basii Byapak Param-Ananda.
Abigat Gotiitam Charit Puniitam Maya-rahit Mukunda ॥
Jehi Lagi Biragi Ati Anuragi Bigata-moh Munibrinda .
Nisi Basar Dhya vahin Gun Gan Gavahin Jayati SatChitAnanda ॥
Jehin Srishti Upai Tribidh Banaii Sang Sahay N Duja .
So Karau Aghari Chint Hamari Jania Bhagati N Puja ॥
Jo Bhav Bhay Bhanjan Muni Man Ranjan Ganjan Bipati Barutha .
Man Bach Kram Banii Chhadi Sayanii Saran Sakal Sur Juutha ॥
Sarad Shruti Sesha Rishay Asesha Ja Kahun Kou Nahi Jana .
Jehi Diin Piare Bed Pukare Dravau So ShriBhagwana॥
Bhav Baridhi Mandar Sab Bidhi Sundar Gunamandir Sukha punja .
Muni Siddh Sakal Sur Param Bhayatur Namat Nath Pad Kanja ॥
Shriman Narayan Narayan Narayan.
Bhajaman Narayan Narayan Narayan ..
Shriman Narayan Narayan Narayan,
Shriman Narayan Narayan Narayan.
Bhajaman Narayan Narayan Narayan ..